«Ливерпул» ва Мадриднинг «Атлетико» клублари «Барселона» яримҳимоячиси Марк Берналнинг ҳолатини кузатмоқда. Бу ҳақда журналист Хуан Хесус ижтимоий тармоқдаги саҳифасида маълум қилди.
Манбага кўра, 19 ёшли футболчи жамоа бош мураббийи Ханс-Дитер Фликни ўзининг асосий таркибдаги ўрнига муносиб эканига ишонтирмоқчи. Флик ҳозирча Бернални ушбу позиция учун биринчи танлов сифатида кўрмаяпти.
Агар футболчи жамоадаги ролидан норози бўлиб қолса, унинг ижарага эмас, тўлиқ трансферга кетиши эҳтимоли пайдо бўлади. Бироқ «Барселона» Бернал билан хайрлашишни истамаяпти ва уни фақат футболчининг ўзи кетишни талаб қилган тақдирдагина сотишга тайёр.
Қайд этилишича, «Ливерпул» бош мураббийи Андони Ираола ва «Атлетико» устози Диего Симеоне Берналнинг имкониятларини юқори баҳолайди.
Бернал ушбу мавсумда барча турнирларда 8 та баҳсда майдонга тушиб, 2 та голли узатмани амалга оширди. Унинг «Барселона» билан амалдаги шартномаси 2029-йил ёзигача мўлжалланган. Тransfermarkt футболчининг бозор қийматини 30 млн еврога баҳолаган.
Эслатиб ўтамиз, Марк Бернал «Барселона» тарбияланувчиси ҳисобланади. У асосий жамоа сафида яримҳимоячи сифатида фаолият юритмоқда.
