Португалия иқтисодиёт вазири Мануэл Кастру Алмейда футболчи Криштиану Роналдунинг мамлакат брендини халқаро миқёсда тарғиб қилишдаги роли ҳақида фикр билдирди. Давлат амалдорининг таъкидлашича, ҳужумчи Португалиянинг жаҳон миқёсида танилишига катта ҳисса қўшиб келмоқда.
«Криштиану Роналду «Португалия» брендининг танилиши ва кенг тарқалишига улкан таъсир кўрсатмоқда.
У — энг машҳур португалиялик инсон. Кўпчилик Португалия ҳақида фақат Криштиану Роналду туфайли билади», — деди вазир.
Аввалроқ Роналду Данияга қарши Миллатлар Лигаси доирасидаги учрашув (4:2) олдидан Копенҳагенда Жорже Жезуш билан юзага келган келишмовчилик сабаб Португалия миллий жамоаси қароргоҳини тарк этгани маълум қилинганди.
Маълумот учун, португалияликлар бугун, 4 октябр куни Норвегия билан куч синашади. Беллашув Тошкент вақти билан соат 23:45 да старт олади.
