«Ювентус» «Ливерпул»нинг 19 ёшли марказий ҳимоячиси Жованни Леонига қизиқиш билдирмоқда. La Gazzetta dello Sport хабарига кўра, Турин клуби ёш италиялик иқтидорларни ўз сафига жалб қилишни мақсад қилган ва Леонини ҳам кузатмоқда.
Манбага кўра, «Ювентус» сўнгги ойларда ҳимоячини ижарага олишга уриниб кўрган. Бироқ «Ливерпул» Турин клубининг таклифини рад этган. Мерсисайдликлар Леонининг халқаро танаффусдан кейин майдонга қайтишини кутмоқда.
Шунга қарамай, «Ювентус» футболчининг ривожланишини кузатишда давом этишга қарор қилган. Турин клуби келажакда Леонини трансфер қилиш имкониятини кўриб чиқиши мумкин.
Леонининг ушбу мавсумда ҳали бирор баҳсда майдонга тушмагани маълум қилинди. У айни вақтда хочсимон боғламидан олган жароҳатидан тикланмоқда.
Маълумот учун, футболчининг «Ливерпул» билан амалдаги шартномаси 2031 йил ёзигача мўлжалланган. Тransfermarkt маълумотларига кўра, италиялик ҳимоячининг бозор қиймати 25 млн еврога баҳоланмоқда.
Эслатиб ўтамиз, «Ювентус» сўнгги даврда италиялик ёш футболчиларни таркибга жалб қилиш сиёсатига катта эътибор қаратмоқда.
