Россия миллий жамоаси халқаро ўртоқлик беллашувида Намибияга қарши ўйнади. Унда россияликлар рақиб дарвозасига жавобсиз 6 та гол урди. Ушбу баҳсни ўзбекистонлик ҳакам Абдурашид Худойберганов бошқариб борди.
Учрашувда ҳисобни 37-дақиқада Лечи Садулаев очди. 54-дақиқада яримҳимоячи Данил Пруцев мезбонларнинг устунлигини иккита тўпга етказди. 65-дақиқада Константин Тюкавин учинчи голни урди. 84-дақиқада Максим Глушенков ҳисобни 4:0 кўринишига келтирди. 87-дақиқада яримҳимоячи Максим Петров 11 метрлик жарима зарбасини аниқ амалга ошириб, бешинчи голни урди.
90+2-дақиқада эса меҳмонлар дарвозабони Камаижанда Ндисиро тўпни ўз дарвозасига киритиб қўйди.
Валерий Каприн жамоаси кейинги тур учрашувини 6 октябрь куни Нигерияга қарши ўйнайди.
Ўртоқлик ўйини
Россия – Намбий 6:0
Голлар: Садуллаев 37, Пруцев 54, Тюкавин 65, Глушенков 84, Петров 87, Ндисиро 90+2 автогол.
Мухлислар бу янгиликни Telegram’да муҳокама қилмоқда
Изоҳлар Telegram’да очилади