Rossiya milliy jamoasi xalqaro o‘rtoqlik bellashuvida Namibiyaga qarshi o‘ynadi. Unda rossiyaliklar raqib darvozasiga javobsiz 6 ta gol urdi. Ushbu bahsni o‘zbekistonlik hakam Abdurashid Xudoyberganov boshqarib bordi.
Uchrashuvda hisobni 37-daqiqada Lechi Sadulayev ochdi. 54-daqiqada yarimhimoyachi Danil Prutsev mezbonlarning ustunligini ikkita to‘pga yetkazdi. 65-daqiqada Konstantin Tyukavin uchinchi golni urdi. 84-daqiqada Maksim Glushenkov hisobni 4:0 ko‘rinishiga keltirdi. 87-daqiqada yarimhimoyachi Maksim Petrov 11 metrlik jarima zarbasini aniq amalga oshirib, beshinchi golni urdi.
90+2-daqiqada esa mehmonlar darvozaboni Kamaijanda Ndisiro to‘pni o‘z darvozasiga kiritib qo‘ydi.
Valeriy Kaprin jamoasi keyingi tur uchrashuvini 6-oktabr kuni Nigeriyaga qarshi o‘ynaydi.
O‘rtoqlik o‘yini
Rossiya – Namibiya 6:0
Gollar: Sadulayev 37, Prutsev 54, Tyukavin 65, Glushenkov 84, Petrov 87, Ndisiro 90+2 avtogol.
Muxlislar bu yangilikni Telegram’da muhokama qilmoqda
Izohlar Telegram’da ochiladi