«Barselona»ning chap qanot himoyachisi Alejandro Balde qishki transfer oynasidayoq Angliyaga ko‘chib o‘tishi mumkin. Bu haqda insayder Ekrem Konur xabar berdi.
Manbaga ko‘ra, ispaniyalik 22 yoshli futbolchining vakillari ehtimoliy transfer masalasida «Fulhem» bilan muzokara o‘tkazgan.
Baldening xizmatlari, shuningdek, «Everton» va «Sanderlend»ga ham taklif qilingan. Premer-liganing ikki grandi — «Manchester Yunayted» va «Liverpul» ham futbolchiga da’vogarlar qatorida.
Biroq ingliz klublari futbolchi bo‘yicha aniq taklif bilan murojaat qilmagan.
Alejandro «Barselona»dagi asosiy tarkibdagi o‘rnini yo‘qotgani sababli, kataloniyaliklar futbolchini ijaraga berishga tayyor.
Transfermarkt portali futbolchining transfer qiymatini 50 million yevroga baholamoqda. Futbolchining «Barselona» bilan amaldagi shartnomasi 2028-yil yozigacha mo‘ljallangan.
