«Manchester Yunayted» bosh murabbiyi Maurisio Pochettino mavsum o‘rtasida jamoani qabul qilib olish bilan bog‘liq qiyinchiliklar hamda futbolchilarning klubga bo‘lgan munosabati haqida fikr bildirdi.
«Mavsum boshida jamoaga kelgan taqdiringizda ham, bu jarayon har doim oson kechmaydi. Menimcha, bizning vazifamiz — yangi sharoitga moslashish va oldinga harakat qilish.
Yangi klubda eng muhimi — uning madaniyati, o‘ziga xosligi va tarixini, shuningdek, muxlislar uchun qanday ahamiyatga ega ekanini tushunishdir.
Shuni aytishim mumkinki, futbolchilar muxlislar, o‘zlari, oilalari va do‘stlari uchun yaxshi natijalar ko‘rsatishni istashadi. Ular o‘z mas’uliyatini his qilishadi va klubga sodiq. Eng muhimi, futbolchilar o‘z iste’dodlarini to‘liq namoyon eta oladigan sharoitni yaratish», — dedi Pochettino matbuot anjumanida.
Eslatib o‘tamiz, argentinalik mutaxassis 2026-yil 18-noyabr kuni rasman «Manchester Yunayted» bosh murabbiyi sifatida ish boshladi. Bunga qadar u AQSh milliy jamoasini boshqarib kelayotgandi.