«Манчестер Юнайтед» бош мураббийи Маурисио Почеттино мавсум ўртасида жамоани қабул қилиб олиш билан боғлиқ қийинчиликлар ҳамда футболчиларнинг клубга бўлган муносабати ҳақида фикр билдирди.
«Мавсум бошида жамоага келган тақдирингизда ҳам, бу жараён ҳар доим осон кечмайди. Менимча, бизнинг вазифамиз — янги шароитга мослашиш ва олдинга ҳаракат қилиш.
Янги клубда энг муҳими — унинг маданияти, ўзига хослиги ва тарихини, шунингдек, мухлислар учун қандай аҳамиятга эга эканини тушунишдир.
Шуни айтишим мумкинки, футболчилар мухлислар, ўзлари, оилалари ва дўстлари учун яхши натижалар кўрсатишни исташади. Улар ўз масъулиятини ҳис қилишади ва клубга содиқлар. Энг муҳими, футболчилар ўз иқтидорларини тўлиқ намоён эта оладиган шароитни яратиш», — деди Почеттино матбуот анжуманида.
Эслатиб ўтамиз, аргентиналик мутахассис 2026 йил 18 ноябр куни расман «Манчестер Юнайтед» бош мураббийи сифатида иш бошлади. Бунга қадар у АҚШ миллий жамоасини бошқариб келаётганди.