Live
3
O'zbek

Mane oilaviy sabablarga ko‘ra «Al Ahli»ga qarshi o‘yinni o‘tkazib yubordi

Futbol
20 noyabr, 15:51
Senegallik futbolchining ikkinchi farzandi uchrashuv boshlanishiga bir necha soat qolganida dunyoga keldi.
Mane oilaviy sabablarga ko‘ra «Al Ahli»ga qarshi o‘yinni o‘tkazib yubordi
Фото: Getty Images
20.11.2026 FT Saudiya Arabistoni Pro-ligasi Al-Ahli Jidda Al-Ahli Jidda 3 : 1 Al Nassr Al Nassr

«An Nasr» hujumchisi Sadio Mane oilaviy sabablarga ko‘ra Saudiya Arabistoni chempionatining 13-turi doirasida «Al Ahli»ga qarshi uchrashuv qaydnomasiga kiritilmadi.

Al-Riyadiyah nashri xabar berishicha, senegallik futbolchining ikkinchi farzandi uchrashuv boshlanishiga bir necha soat qolganida dunyoga kelgan. Shundan so‘ng murabbiylar shtabi Manega jamoa ixtiyoridan ketish va mazkur bahsni o‘tkazib yuborishga ruxsat bergan.

Natijada «An Nasr» bosh murabbiyi Ange Postecoglou hujum chizig‘ida Krishtianu Ronaldu, Joau Feliks va Abdulloh Al Hamdanga ishonch bildirdi.

Ronaldu uchrashuvda gol urishga muvaffaq bo‘ldi, biroq penaltini aniq amalga oshira olmadi. Natijada Riyod klubi muhim bahsda mag‘lub bo‘ldi. Bu klubning Proligadagi ikkinchi mag‘lubiyati bo‘ldi.

Ma’lumot uchun, Sadio bu mavsumda barcha turnirlar doirasida 15 ta uchrashuvda ishtirok etib, 3 ta gol urdi va 8 ta golli uzatmani amalga oshirdi.

Tegishli jamoalar va ligalar

  • Al-Ahli Jidda Al-Ahli Jidda
  • Al Nassr Al Nassr
  • Saudiya Arabistoni Pro-ligasi Saudiya Arabistoni Pro-ligasi
Bugungi yangiliklar