Portugaliyalik hujumchi Joau Feliksning kelasi mavsumdagi taqdiri «An Nasr» rahbariyatining qaroriga bog‘liq bo‘ladi. Insayder Ekrem Konurning ijtimoiy tarmoqlarda xabar berishicha, Saudiya Arabistoni klubi futbolchi bilan hamkorlikni davom ettirish yoki yakunlash masalasini kelasi yozda hal qiladi.
2025-yilda imzolangan shartnomaga ko‘ra, «An Nasr» 1-iyunga qadar futbolchining kelajagi borasidagi qarorini ma’lum qilishi kerak. Agar klub hamkorlikni uzaytirmaslikka qaror qilsa, portugaliyalik hujumchi Londonning «Chelsi» klubiga qaytishi mumkin.
Aksincha, Saudiya klubi Feliksni jamoada saqlab qolishga qaror qilsa, shartnoma avtomatik ravishda yana ikki mavsumga uzaytiriladi. Bunday holatda «Chelsi»ga qo‘shimcha ravishda 20 mln yevro to‘lanadi.