«Manchester Yunayted»ning sobiq yarim himoyachisi Roy Kin Angliya terma jamoasi yarim himoyachisi Jude Bellingham haqida iliq fikrlarni bildirdi.
Eslatib o‘tamiz, Jude Yevropa Millatlar ligasi 3-tur doirasida Xorvatiyaga (7:0) qarshi bahsda bitta gol urdi va uchta golli uzatmani amalga oshirdi.
«Menimcha, Bellinghamni hali oldinda juda ko‘p narsa kutmoqda. Uning tarixdagi eng buyuk futbolchilardan biriga aylanishiga shubha qilmayman. So‘nggi vaqtlarda uning terma jamoadagi o‘yini menga juda yoqmoqda. Aytaylik, men uni to‘p bilan amalga oshirayotgan ajoyib harakatlari uchun allaqachon maqtaganman. Ammo uning to‘psiz harakatlari butun jamoaning saviyasini oshirmoqda», — dedi Kin ITV efirida.
Ma’lumot uchun, Bellingham Angliya terma jamoasi safida shu kunga qadar 59 ta uchrashuvda ishtirok etib, 14 ta gol urgan va 13 ta golli uzatmani amalga oshirgan.
