3 октябрдан 4 октябрга ўтар кечаси Аргентина терма жамоаси Буркина-Фасо терма жамоаси билан ўртоқлик учрашуви бўлиб ўтди. «Монуэнтал» стадионида (Буэнос-Айрес, Аргентина) бўлиб ўтган учрашув 7:0 ҳисобида якунланди. Бош ҳакам сифатида чилилик Хосе Каберо иштирок этди.
Уч карра жаҳон чемпионлари сафида ҳужумчилар Лаутаро Мартинес (1+2) ва Хулиан Алварес, яримҳимоячилар Нико Пас ва Франко Мастантуоно, Жулиано Симеоне ҳамда Жанлука Престианни (1+1) гол урди, «албиселесте»нинг яна бир голи африкалик жамоа ҳимоячиси Мумуни Диаллонинг автоголи сифатида баҳоланди.
Эслатиб ўтамиз, Аргентина миллий жамоаси навбатдаги ўртоқлик ўйинини 7 октябр куни яна ўз уйида Бенин миллий жамоасига қарши ўтказади, Буркина-Фасо эса ўз навбатида жорий халқаро танаффуснинг ўртоқлик ўйинлари туркумини якунлади. Жамоани кейинги ўйинлари ноябр ойига режалаштирилган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади