«Реал» ҳужумчиси Килиан Мбаппе 2027 йилда «Ливерпул»га ўтишга тайёр. Бу ҳақда испаниялик журналист Франсуа Галярдо хабар берди.
«Ливерпул» аллақачон футболчининг онаси ва агенти Файза Ламари билан боғланган. Маълум қилинишича, Англия клублари орасида Мбаппенинг асосий танлови айнан «қизиллар» ҳисобланади.
Галярдонинг таъкидлашича, Мбаппе «Реал» кийиниш хонасида ўзини қўллаб-қувватлашмаётганини ҳис қилмоқда ва бу унга ноқулайлик туғдирмоқда.
Қайд этиш лозим, ҳужумчи 2024 йил ёзида «ПСЖ» билан шартномаси якунланганидан сўнг эркин агент сифатида Мадрид клубига қўшилган. Унинг «Реал» билан амалдаги шартномаси 2029 йил ёзига қадар мўлжалланган.
Маълумот ўрнида, Мбаппе «Реал» сафида 111 учрашувда майдонга тушиб, 94 та гол урди ва 14 та ассист амалга оширди. Аввалроқ франциялик футболчи 2026 йилги «Олтин тўп» соврини учун 30 нафар номзоддан иборат рўйхатга киритилганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади