«Реал Мадрид» матбуот хизмати «Катта дубулға» туркумига кирувчи мусобақаларнинг етти карра чемпиони, дунёнинг учинчи ракеткаси Карлос Алкараснинг Япониянинг Токио шаҳрида ўтказилган ATP-500 турниридаги ғалабасига муносабат билдирди. Чемпионлик учун кечган баҳсда испаниялик теннисчи Чехия вакили Иржи Лехечкани (рейтингда 19-ўрин) 7:6 (7:4), 6:4 ҳисобида мағлуб этди.
«Табриклаймиз, Карлос Алкарас, Япониядаги турнирда иккинчи чемпионликни қўлга киритдинг. Барча мадридчилар сенинг навбатдаги ғалабанг билан жуда фахрланишади. 27 та соврин! Баракалла, чемпион!» - дейилади «Реал Мадрид» матбуот хизматининг Х ижтимоий тармоғидаги саҳифасидаги Алкарасга йўллаган мурожаатида.
Эслатиб ўтамиз, Карлос Алкарас Токиода чемпионлик унвонини ҳимоя қила олди. Ўтган йилги финалда у америкалик Тейлор Фрицни мағлуб этганди. Токио-2026да испаниялик спортчи фаолиятидаги 27-чи ва мавсумдаги учинчи чемпионлигини қўлга киритди.
