Машҳур Transfermarkt портали ҳозирда эркин агент мақомига эга бўлган футболчиларнинг нархини янгилади.
Рейтингнинг биринчи поғонасини вингер Жейдон Санчо эгаллади. Англиялик футболчи 10 миллион еврога баҳоланмоқда. Охирги нарх янгиланишидан бери Санчо 8 миллионга арзонлашди. Эслатиб ўтамиз, у ўтган мавсумда «Астон Вилла» шарафини ҳимоя қилган эди.
Иккинчи ўрин – Александр Зинченко. Украиналик 6 миллион еврога баҳоланмоқда. Ўтган ёзда у 2026 йилнинг биринчи ярмида бор-йўғи иккита ўйинда майдонга тушган Амстердамнинг «Аякс» клубини тарк этди.
Маълумот учун, Абдуллае Дукуре ва Карим Бензема кучли учликни якунлаб беришди. Ҳар иккала футболчининг ҳам актуал трансфер нархи 4 миллион еврога баҳоланмоқда.
Мухлислар бу янгиликни Telegram’да муҳокама қилмоқда
Изоҳлар Telegram’да очилади