«Ювентус» январ ойида «Марсел» яримҳимоячиси Пер-Эмил Ҳёйбергни ўз сафига қўшиб олиш устида иш олиб бормоқда. Бу ҳақда La Gazzetta dello Sport хабар берди.
Манбага кўра, Турин клуби вакили футболчининг атрофидагилар билан дастлабки музокараларни ўтказиб бўлган. Шунингдек, «зебралар» Миллатлар лигасининг сўнгги учрашувларида Дания миллий жамоаси сафида ҳаракат қилган футболчининг ўйинларини диққат билан кузатиб борган.
Ҳёйберг фаолияти давомида «Бавария», «Аугсбург», «Шалке-04», «Тоттенҳэм» ва «Саутҳэмптон» клублари шарафини ҳимоя қилган. 2024 йилда эса у «тақачилар»дан ижара асосида «Марсел»га ўтган.
Ўтган ёзда эса Франция клуби футболчининг трансферини тўлиқ расмийлаштириб, у билан 2028 йил ёзига қадар мўлжалланган шартнома имзолаган.
