«Борнмут» яримҳимоячиси Алекс Скотт Европанинг бир қатор топ-клублари эътиборида бўлиб турибди. Бу ҳақда ижтимоий тармоқларда инсайдер Экрем Конур хабар бермоқда.
Журналистнинг таъкидлашича, 23 ёшли инглиз футболчиси учун курашда Мадриднинг «Реал», «Ливерпул», «Арсенал», «Челси» ва «Милан» жамоалари баҳслашади. «Қаймоқранглилар» скаутлари футболчининг ўйинини уч мартадан ортиқ жонли томоша қилгани таъкидланмоқда.
Эслатиб ўтамиз, яримҳимоячининг трансфер нархи 50 миллион еврога баҳоланмоқда. Скоттнинг «Борнмут» билан амалдаги шартномаси 2028 йил июн ойи охирида якунига етади.
Маълумот учун, Англия Премер-лигасининг янги мавсумида Алекс бешта учрашувда майдонга тушиб, битта гол уришга муваффақ бўлган.
