«Ливерпул» клуби раҳбарияти ҳимоячи Виржил ван Дейк билан шартномани узайтириш имкониятини кўриб чиқмоқда. Бу ҳақда Football Insider нашри хабар берди.
Манбага кўра, мерсисайдликлар нидерландиялик 35 ёшли футболчи билан музокараларни тез орада бошлайди. Аммо янги битим тузилиши футболчининг юқори савиядаги ўйинини давом эттиришига боғлиқ бўлади.
Қайд этилишича, «Ливерпул» бош мураббийи Андони Ираола ҳамон ван Дейкни ўз лойиҳасининг муҳим қисми сифатида кўрмоқда. Шу сабабли клуб футболчининг келажаги борасида якуний қарор қабул қилишни ҳозирча ортга сурмоқда.
Аввалроқ футболчи жамоани тарк этса, фаолиятини Осиёда давом эттириши мумкинлиги хабар қилинганди. Унга Саудия Арабистони жамоалари томонидан жиддий қизиқиш бўлмоқда.
Бу мавсумда Виржил барча турнирлар доирасида 6 та учрашувда майдонга тушган.
