«Ливерпул» ҳимоячиси Жованни Леони жамоада қолади. Бу ҳақда инсайдер Экрем Конур хабар берди.
Аввалроқ «Ювентус» италиялик 19 ёшли марказий ҳимоячисига қизиқиш билдираётгани ҳақида хабарлар пайдо бўлганди. Бироқ мерсисайдликлар Леонини жамоада сақлаб қолишга қарор қилган.
Қайд этилишича, инглиз клуби Леонини сотиш ниятида эмас ва уни келажакка мўлжалланган лойиҳа сифатида кўрмоқда. Шу сабаб Жованни бўйича таклифларни кўриб чиқмаслигини маълум қилган.
Эслатиб ўтамиз, Жованни Леони 2025 йилда «Парма» клубидан «Ливерпул»га кўчиб ўтган эди. Аммо жиддий жароҳати сабаб ҳамон инглиз клуби сафида ўйнамаяпти. Ҳозирда жароҳатини тикламоқда.
Футболчининг «Ливерпул» билан амалдаги шартномаси 2031 йилнинг ёзигача мўлжалланган. Тransfermarkt маълумотларига кўра, италиялик ҳимоячининг бозор қиймати 25 млн еврога баҳоланмоқда.
