«Милан» қишки трансфер ойнасида «Барселона» ҳимоячиси Алехандро Балде номзодини яна бир бор кўриб чиқиши мумкин. Бу ҳақда Calciomercato.com хабар берди.
Испаниялик 23 ёшли футболчи «россонери»нинг ёзги трансфер режаларида ҳам бор эди. Август ойининг охирида Балденинг агенти Жорже Мендеш футболчини Италия клубига таклиф қилган.
Бироқ «Милан» ўша пайтда трансфердан воз кечган. Бунга асосий сабаб «Барселона»нинг молиявий талаби бўлган — каталонияликлар ҳимоячи учун 40 миллион евро сўраган. Италия клуби эса бошқа позицияларни кучайтиришга эътибор қаратишни маъқул кўрган.
«Милан»да Алексис Салемакерс ва Первис Эступиняннинг жароҳат олгани жамоанинг қанотдаги танлов имкониятларини қисқартирди. Шу сабабли клуб қишда Балде трансферини яна кун тартибига қайтариши эҳтимолдан холи эмас.
Бундан ташқари, футболчининг «Барселона»даги ҳозирги ҳолати ҳам трансфер эҳтимолини ошириши мумкин. Балде жамоа таркибида деярли ўйин амалиётига эга бўлмаяпти. Бу мавсумда у «Расинг»га қарши учрашувда бор-йўғи 12 дақиқа ўйнаган.
