«Барселона» раҳбарияти жамоа ҳимоячиси Жюл Кунденинг клубни тарк этишини истамаяпти. Бу ҳақда TEAMtalk хабар берди.
27 ёшли франциялик футболчи сўнгги вақтларда каталонияликларнинг асосий таркибидаги ўрнини йўқотди. Шу сабабли унинг январ ойидаги трансферлар ойнасида бошқа жамоага ўтиши мумкинлиги ҳақида хабарлар тарқалганди.
Бироқ маълум бўлишича, «кўк-анорранглилар» бош мураббийи Ҳанс-Дитер Флик Кунденинг кетишини маъқулламаяпти. Германиялик мутахассис ҳимоячини жамоада сақлаб қолиш тарафдори. Футболчининг ўзи ҳам ҳозирча клубни тарк этишга шошилмаяпти.
Қайд этиш лозим, Кунденинг хизматларига Лондоннинг «Челси» клуби қизиқиш билдирмоқда. Transfermarkt портали эса франциялик ҳимоячининг трансфер нархини 55 миллион еврога баҳолаган.
Маълумот ўрнида, Испаниянинг уч карра чемпиони ҳисобланган Жюл Кунденинг «Барселона» билан амалдаги шартномаси 2030 йилнинг ёзига қадар мўлжалланган. Шу боис каталонияликлар футболчининг келажаги бўйича қарор қабул қилишда шошилмаётгани айтилмоқда.
Аввалроқ Кунде «Барселона» асосий таркибига қайтиш учун қўшимча машғулотларни бошлагани маълум қилинганди.
