«Арсенал» яримҳимоячиси Деклан Райс жамоа билан узоқ муддатли янги шартнома имзолашга яқин. Томонлар ўртасидаги музокаралар ҳал қилувчи босқичга кирган.
Англиялик 27 ёшли футболчининг «Арсенал» билан амалдаги шартномаси келаси мавсум охирига қадар амал қилади. Бироқ клуб Райс билан ҳамкорликни узоқ йилларга давом эттириш ниятида.
Янги келишувдан сўнг футболчининг маоши ҳам оширилади. Ҳозирда у ҳафтасига 277 минг евро ишлаб топмоқда. Бу борада Букайо Сакага яқинлашиб олади. Айни вақтда Сака «Арсенал»да ҳафтасига 400 минг евро маош олади.
Маълумот учун, Райс 2023 йилда «Вест Ҳэм»дан «Арсенал»га кўчиб ўтган. Бу вақт давомида лондонликлар сафида 150 дан ортиқ учрашувни асосий таркибда бошлаган.
Аввалроқ «Арсенал» «Байер» ҳужумчиси Кристиан Кофане билан шартнома имзолаши мумкинлиги хабар қилинганди.
