«Арсенал» бош мураббийи Микел Артета клуб билан янги шартнома имзолагандан сўнг Англия Премер-лигасида энг кўп маош оладиган мураббийга айланди. Бу ҳақда The Times нашри хабар бермоқда.
Манбага кўра, испаниялик 44 ёшли мутахассиснинг янги келишуви тўрт йилга мўлжалланган. Яъни, 2030 йилнинг ёзига қадар амал қилади.
Артета янги шартнома бўйича йилига тахминан 20 миллион фунт маош олади. Турли бонуслар ҳисобга олинса, унинг бир йиллик даромади 25 миллион фунтгача етиши мумкин. Аввалги келишув бўйича эса мураббийга тахминан 12 миллион фунт ва яна 3 миллион фунт миқдорида бонуслар кўзда тутилган эди.
Маълумот учун, Микел «тўпчилар»ни 2019 йил декабридан буён бошқариб келмоқда. У ўтган мавсум лондонликларни 22 йиллик танаффусдан сўнг яна Англия чемпионлигига олиб чиқди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади