«Арсенал» ва «Челси» Мадриднинг «Реал» клубида фаолият олиб бораётган яримҳимоячи Арда Гулерга қизиқиш билдирмоқда. Инглиз клублари Миллатлар лигаси доирасидаги Туркия ва Италия миллий жамоалари баҳсида 21 ёшли футболчининг ўйинини бевосита кузатган.
Лондон клубларининг Гулерга бўлган қизиқиши футболчининг «Реал»даги ўйин амалиёти етарли эмаслиги фонида кучайган. «Арсенал» ҳатто 2026 йил бошида туркиялик яримҳимоячини ўз сафига қўшиб олишга уринган, бироқ томонлар трансфер борасида келишувга эриша олмаган.
Гулер ушбу мавсумда Испания чемпионатида «Реал» сафида еттита баҳсда майдонга тушди. 21 ёшли футболчи ушбу баҳсларда бирта гол уриб, иккита голли узатмани амалга оширди.
Маълумот учун, Арда Гулернинг «Реал» билан амалдаги шартномаси 2029 йил июнигача мўлжалланган. Футболчининг бозор қиймати 100 млн еврога баҳоланмоқда.
Эслатиб ўтамиз, Гулер 2023 йил ёзида «Фенербаҳче»дан «Реал»га ўтган.
