«Барселона» собиқ яримҳимоячиси Андрес Иниеста Хосе Мария Энриoкес Негрейра иши ҳақида ўз фикрини билдирди.
Эслатиб ўтамиз, 2023 йилда Каталония клуби раҳбарияти Испания Қироллик футбол федерациясида (RFEF) фаолият юритган ҳакамлар техник қўмитаси (CTA) собиқ вице-президенти Хосе Мария Энрикес Негрейрага тўловлар амалга оширилиши билан боғлиқ пора беришда айбланганди.
— Негрейра иши ҳақидаги хабарларни эшитганингизда нимани ҳис қиласиз?
— Соф футбол нуқтаи назаридан қараганда, бу ерда муҳокама қиладиган нарса йўқ. Иш ҳали якунига етгани йўқ. Аммо ўша даврдаги ҳар бир ўйинни таҳлил қилганимизда ҳам, ҳакамларнинг бизга нисбатан илтифотли муносабатда бўлгани ҳақидаги тахминларнинг ҳатто бир фоизини ҳам тасдиқлай олмаган бўлардик.
Мен ҳеч қачон ҳеч қандай ёрдамни эшитмаганман, кўрмаганман ва ҳис қилмаганман. Ҳар бир ўйинда ҳам мухлислар, ҳам футболчилар ҳакамлар томонидан рақибларга илтифотли муносабатда бўлинаётганини ҳис қилишади, — дея Иниестанинг сўзларини келтиради Marca.
