«Барселона» ҳужумчиси Рафиня билан янги шартнома имзолади. Бу ҳақда журналист Фабрицио Романо ижтимоий тармоқлардаги саҳифаси орқали хабар берди.
Унга кўра, янги келишув 2030 йил ёзига қадар амал қилади. Томонлар шартнома бўйича барча масалаларни келишиб олган. Битимнинг молиявий шартлари ҳозирча ошкор қилинмаган.
Бунгача «Барселона» янги шартнома доирасида бразилиялик футболчининг маошини ошириши хабар қилинган эди. Расмий эълон ва шартнома имзолаш маросими ҳужжатлар билан боғлиқ ишлар режа бўйича якунланса, шу ҳафта, жума куни ўтказилиши мумкин.
Маълумот ўрнида, 29 ёшли вингер бу мавсум Ла Лига ва Чемпионлар Лигаси доирасида 8 та учрашувда майдонга тушиб, ўз ҳисобига 14 та гол ҳамда 3 та ассистни ёздириб қўйди. Аввалроқ Рафиня кетма-кет иккинчи ой Ла Лигада энг яхши футболчи деб топилганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади