«Катта дубулға» туркумига кирувчи мусобақалар 24 карра чемпиони, сербиялик теннисчи Новак Жокович ATP-500 мусобақаларининг энг ёши улуғ финалчисига айланди. Пекинда ўтказилаётган мусобақа яримфиналида Новак россиялик Даниил Медведевни (жаҳон рейтингида 5-ўрин) 7:5, 5:3 (Даниил дисквалификация қилинди) мағлубиятга учратди. Жокович бу натижага 39 ёш 4 ойлигида эришди ва тарихга яна бир статистик кўрсаткич бўйича кирадиган бўлди.
ATP-500 турнирларининг энг кекса финалчилари:
Новак Жокович (Сербия) — 39 ёш 4 ой (Пекин, 2026);
Рожер Федерер (Швейцария) — 38 ёш 2 ой (Базел, 2019);
Рожер Федерер (Швейцария) — 37 ёш 10 ой (Галле, 2019);
Фелисяно Лопес (Испания) — 37 ёш 10 ой (Лондон, 2019);
Рожер Федерер (Швейцария) — 37 ёш 6 ой (Дубай, 2019);
Иво Карлович (Хорватия) — 37 ёш 4 ой (Вашингтон, 2016).
