Франциянинг «Лилл» клубида тўп тепаётган яримҳимоячи Этан Мбаппе фаолиятини Туркия чемпионатида давом эттириши мумкин. Инсайдер Экрем Конурнинг хабар беришича, футболчининг агентлари унинг хизматларини «Фенербаҳче»га таклиф қилган.
Манбага кўра, туркияликлар ёш футболчилар билан шартнома имзолаш вариантини кўриб чиқмоқда. Бунга клубнинг легионерлар учун ажратилган квотаси тўлиб қолгани сабаб бўлмоқда. Туркия Суперлигаси регламентига кўра, 23 ёшгача бўлган футболчилар легионерлар квотасидан жой эгалламайди.
Этан Мбаппе «Лилл» сафида 2024 йил июлидан буён тўп тепмоқда. 19 ёшли яримҳимоячининг жамоа билан амалдаги шартномаси ушбу мавсум якунида ўз ниҳоясига етади.
Маълумот учун, Этан Мбаппе Франция миллий жамоаси ҳужумчиси Килиан Мбаппенинг укаси ҳисобланади. У аввал «ПСЖ»нинг ёшлар жамоаларида ҳам фаолият олиб борган.
Эслатиб ўтамиз, Этан Мбаппе 2024 йил ёзида «ПСЖ»дан «Лилл»га ўтган.
