Россиялик жангчи Фёдор Емеляненко UFCнинг собиқ чемпиони Фрэнсис Нганну билан бокс жанги ўтказишга умид қилмоқда.
«Мен қонимда жангчиман. Жанг қилишни хоҳлайман. Танамда аллақачон у ёки бу нарса узилиб, синиб кетяпти, аммо ҳали ҳам бардош беряпман. Агар ҳаммаси яхши бўлса Россияда жанговар самбо бўйича чемпионатда жанг қилишни истардим. Аммо кўрамиз, ҳозирдан башорат қилмайлик.
Умуман олганда, яна икки-учта бокс жанги ўтказишни хоҳлардим. Бу менга қизиқ. Фрэнсис Нганну билан бокс жанги ўтказишни хоҳлайман, аммо бу — ҳозирча менинг орзум. У — мен учун қизиқ жангчи. Кўрамиз», — дейди Емеляненко.
28 сентябр куни Фёдор Емеляненко 50 ёшни қарши олди.
