UFC раҳбари Дана Уайт промоушенни сотиб олишга қанча маблағ сарфлангани ва бугунги кунда дунёнинг энг йирик ММА лигасининг бозор қиймати қанча эканини маълум қилди.
«Мен бу бизнесга келганимда, унга ишонганлар кам эди. Шунинг учун биз UFCни 2 миллион долларга сотиб олдик. Келинг, ростини айтсак. UFC 2 миллион долларга сотиб олинган. Агар «Лейкерс» 12,5 миллиард долларга сотилган бўлса, UFCнинг қиймати 50 миллиард доллар», — деди Уайт The Diary Of A CEO YouTube лойиҳасига берган интервюсида.
Қайд этиш лозим, UFC 2001 йилда казино тармоғи Station Casinos эгалари Лоренцо ва Фрэнк Фертитталар томонидан сотиб олинган. Шундан сўнг Дана Уайт ташкилот президенти этиб тайинланган.
Эслатиб ўтамиз, UFCнинг навбатдаги рақамли турнири бўлган UFC 333 24 октябр куни Абу-Дабидаги «Etihad Arena»да бўлиб ўтади. Марказий жангда ярим енгил вазн тоифаси чемпиони Александр Волкановски чемпионлик камарини Мовсар Евлоевга қарши ҳимоя қилади.
