«Ан Наср» ҳужумчиси Криштиану Роналдунинг опаси Элма Авейру португалиялик сиёсатчи Жоау Мария Жонетнинг футболчи ҳақидаги танқидий фикрларига жавоб қайтарди.
Бунгача Роналду Португалия миллий жамоаси бош мураббийи Жорже Жезуш Норвегияга қарши учрашувда уни майдонга туширмаганидан сўнг миллий жамоа қароргоҳини тарк этган. 27 сентябр куни ўтказилган баҳсдан кейин 41 ёшли ҳужумчи сентябр — октябр ойларидаги FIFA кунларида миллий жамоа сафида бошқа ўйнамасликка қарор қилгани хабар қилинганди.
Ушбу вазиятга муносабат билдирган Жонет Криштиану Роналдуни Месси билан таққослаб, португалияликлар унга аргентиналикларнинг Лионелга бўлган муносабати каби муносабатда эмаслигини айтди. Сиёсатчи футболчини «жирканч инсон» деб атади ва уни ўз камчиликларини тан олмасликда айблади.
«Кимдир бу қандай ғайритабиий инсон эканини биладими? Мен уни умуман танимайман, аммо кимлигини билишни истайман. Чунки унинг укам ҳақида айтётган гаплари Криштиануни танимаслигини кўрсатиб турибди.
У жуда бахтсиз, ақли заиф ва ҳасадгўй инсон бўлса керак. Португалиялик инсоннинг бундай гапларни айтиши уят», — деб ёзди Авейру ижтимоий тармоқдаги саҳифасида.
Маълумот ўрнида, португалияликлар Миллатлар Лигасининг 4-турида Норвегияни 2:1 ҳисобида мағлуб этиб, кетма-кет тўртинчи ғалабасини қўлга киритди.
