Собиқ ҳакам Эдуардо Итурралде Гонсалес Лионел Мессини майдонда ҳеч қачон симуляция ишлатмагани учун мақтаб ўтди.
«Мессининг футболчи сифатида ким бўлгани бир масала, ҳакамлар учун қандай футболчи бўлгани эса мутлақо бошқа масала. У ҳар бир учрашувда йиқилиб ёки қоидабузарликни симуляция қилиб, 100 минг нафар мухлисни бизга қарши қилиши мумкин эди, аммо у ҳеч қачон бундай қилмади. Лионел майдондаги энг олийжаноб футболчилардан бири эди.
Уни қанча уришди... Лекин у ҳеч қачон атайлаб йиқилишга ҳаракат қилмасди. Янги футболчилар, айниқса ёшлар ундан ўрнак олишлари керак.
Месси ҳеч қачон ҳакамни алдашга уринмаган. Тасаввур қилинг, агар Лео Аргентина миллий жамоаси сафидаги ўйинларда шундай қилганида, бутун учрашувни ўзгартириб юборган бўларди», — дея Итурральенинг сўзларини келтиради Mundo Deportivo.
Аввалроқ 39 ёшли ҳужумчи Аргентина миллий жамоаси сафидаги хайрлашув учрашув (3:0)ини Бенинга қарши ўтказганди. Маълумот ўрнида, Месси «кумушранг ўлка вакиллари» сафида 208 та учрашувда 126 та гол ва 70 та ассист қайд этган.
