«Ан Наср» ҳужумчиси Криштиану Роналду Португалия миллий жамоаси қароргоҳини ўзбошимчалик билан тарк этгани учун 6 ойгача дисквалификация қилиниши мумкин. Бу ҳақда A Bola нашри хабар берди.
Маълум қилинишича, Роналдуга нисбатан Португалия Футбол Федерацияси интизом регламентининг 160-моддаси асосида интизомий иш қўзғатилган.
Ушбу моддага кўра, «мунтазам равишда миллий жамоага чақириладиган ва узрли сабабсиз миллий жамоанинг машғулоти, учрашуви ёки тадбирини тарк этган» футболчи 1 ойдан 6 ойгача дисквалификация қилиниши мумкин. Бундан ташқари, агар у профессионал футболчи бўлса, 510 евродан 1020 еврогача жаримага тортилади.
Аввалроқ 41 ёшли ҳужумчи миллий жамоа қароргоҳини тарк этиш сабабларини тушунтирганди. Унинг айтишича, бош мураббий Жорже Жезуш португалиялик футболчига берган ваъдасини бузган.
