Лондоннинг «Арсенал» клуби ҳужумчиси Кай Хаверц яқин вақт ичида сафга қайтиши мумкин. Германия миллий жамоаси ихтиёрида бўлган футболчи мушакларидан жароҳат олган.
Жароҳатлар бўйича мутахассис Стивен Смитнинг фикрича, Хаверцнинг жароҳати жиддий эмас. У бу ҳақда Меtrо нашрига берган изоҳида футболчининг тикланиш муддати бўйича тахминини билдирди.
«Катта эҳтимол билан, унинг ҳолатида мушакнинг енгил чўзилиши ҳақида гап кетмоқда. Бундай вазиятда тикланиш учун икки ҳафтадан тўрт ҳафтагача вақт кетади», — деди Смит.
Хаверц ушбу мавсумда «Арсенал» сафида барча турнирларда 7 та баҳсда майдонга тушиб, 3 та гол урган.
Маълумот учун, «Арсенал» навбатдаги баҳсини 10 октабр куни Англия Премер-лигасининг 6-турида «Лидс»га қарши ўтказади. Беллашув Тошкент вақти билан соат 18:30 да бошланади.
