Винисиус, Алварес, де Йонг — Ла Лигада трансфер нархи энг пасайган футболчилар бешлиги эълон қилинди

Transfermarkt портали Испания Ла Лигасида тўп тепаётган футболчиларнинг трансфер қийматини янгилади.

Навбатдаги рейтинг натижаларига кўра, бир қатор машҳур футболчиларнинг бозордаги баҳоси 10 миллион еврога камайган.

Рейтингда «Барселона»нинг яримҳимоячиси Френки де Йонг ва ҳимоячиси Алекс Балде, шунингдек «Реал» вингери Винисиус Жуниор ҳам бор.

Ла Лигада энг кўп қиймат йўқотган 5 футболчи

1. Френки де Йонг («Барселона») — 130 млн евро (−10 млн евро)
2. Алекс Балде («Барселона») — 40 млн евро (− 10 млн евро)
3. Кристиан Ромеро («Атлетико») — 25 млн евро (− 10 млн евро)
4. Хулиан Альварес («Атлетико») — 110 млн евро (− 10 млн евро)
5. Винисиус Жуниор («Реал») — 130 млн евро (− 10 млн евро)

Шунга қарамай, де Йонг ва Винисиус Ла Лиганинг энг қиммат футболчилари қаторида қолмоқда. Уларнинг ҳар бири Transfermarkt томонидан 130 миллион еврога баҳоланган.

«Атлетико» футболчиси Хулиан Алварес эса 110 миллион евро билан рейтингда учинчи энг қиммат футболчи бўлиб турибди.