«Barselona» Ispaniya chempionatining navbatdagi turida «Xetafe»ga qarshi uy bahsiga tayyorgarlik ko‘rmoqda. Kataloniya klubi yetakchisi Rafinya payshanba kungi mashg‘ulotda jamoa bilan birga shug‘ullanmadi. Bu haqda jurnalist Aleks Pintanelga tayanib Barca Universal xabar berdi.
Shunga qaramay, Rafinyaning «Xetafe»ga qarshi bahsda maydonga tushish imkoniyati hozircha istisno qilinmagan. Braziliyalik hujumchi juma kuni tibbiy ko‘rikdan o‘tadi va shundan so‘ng uning holatiga aniqlik kiritiladi.
Avvalroq Rafinya tizzasidagi noqulaylik sabab Braziliya milliy jamoasi ixtiyorini muddatidan oldin tark etgandi. Futbolchining klubdagi navbatdagi bahsda ishtirok etishi uning tibbiy ko‘rik natijalariga bog‘liq bo‘ladi.
Rafinya 2026/2027-yilgi mavsumda «Barselona» safida 8 ta bahsda maydonga tushdi. U ushbu bahslarda 14 ta gol urib, 3 ta golli uzatmani amalga oshirdi.
Ma'lumot uchun, «Barselona» — «Xetafe» bahsi 10-oktabr kuni Toshkent vaqti bilan soat 21:30 da boshlanadi.
