Saudiya Arabistoni milliy jamoasi noyabr oyidagi FIFA kunlari doirasida O‘zbekiston hamda Janubiy Koreya milliy jamoalariga qarshi ikkita o‘rtoqlik uchrashuvida maydonga tushadi. Bu haqda «Ar Riyodiya» nashri xabar berdi.
Qayd etish lozim, navbatdagi FIFA kunlari 9 noyabrdan 17 noyabrgacha davom etadi. O‘zbekiston va Janubiy Koreya milliy jamoalariga qarshi uchrashuvlar Saudiya Arabistoni milliy jamoasining Osiyo kubogiga tayyorgarlik dasturi doirasida o‘tkaziladi.
Ma’lumot o‘rnida, sentyabr-oktyabr oylaridagi FIFA kunlarida «oq bo‘rilar» 3 ta o‘rtoqlik uchrashuvi o‘tkazdi. Fabio Kannavaro shogirdlari Eron va Suriya milliy jamoalarini mag‘lub etgan bo‘lsa, Janubiy Koreya milliy jamoasiga qarshi bahsda imkoniyatni boy berdi.
Avvalroq O‘zbekiston milliy jamoasi FIFA reytingida bir pog‘ona yuqorilab, 1416,61 ochko bilan jahon reytingida 59-o‘rinni egallagani ma’lum qilingandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi