“Real” hujumchisi Kilian Mbappe Madrid shahriga qaytib keldi. Bu haqda AS nashri xabar berdi.
Manbaga ko‘ra, fransiyalik futbolchi La Liganing 8-turidan o‘rin olgan “Vilyarreal”ga qarshi uchrashuvda maydonga tushishga tayyor.
Eslatib o‘tamiz, Mbappe Fransiya milliy jamoasi safida Turkiyaga qarshi bahsda jarohat olgan va uchrashuvni davom ettira olmagan edi. Bahs fransuzlarning 1:0 hisobidagi g‘alabasi bilan yakunlangan. Bellashuvdagi yagona golni aynan Kilian kiritgan edi.
Ushbu bahsdan so‘ng forvard tibbiy tekshiruvlardan o‘tgan va uning jarohati jiddiy emasligi ma’lum bo‘lgandi. Shunga qaramay, futbolchi milliy jamoa lagerini tark etib, Madridga qaytgandi.
Eslatib o‘tamiz, “Real” va “Vilyarreal” o‘rtasidagi bellashuv 10 oktabr kuni Madrid shahrida bo‘lib o‘tadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi