Portugaliya milliy jamoasi futbolchilari Krishtianu Ronalduning jamoa yig‘inini tark etishi sabablari haqida bergan bayonotiga ijtimoiy tarmoqlarda hech qanday munosabat bildirmadi. Bu haqda A Bola xabar berdi.
Manba ma’lumotiga ko‘ra, Ronalduning milliy jamoadagi birorta jamoadoshi uning ushbu postiga «layk» bosmagan yoki izoh qoldirmagan. Shu bilan birga, futbolchining bayonoti 18 milliondan ortiq «layk» va 567 mingta izoh to‘plagan.
A Bola portugaliyalik futbolchilar odatda ijtimoiy tarmoqlarda bir-birlarining postlari bilan faol tarzda o‘zaro aloqada bo‘lishini ta’kidlagan. Biroq Ronalduning so‘nggi paytlardagi ayrim nashrlari jamoadoshlari tomonidan e’tiborsiz qoldirilmoqda.
Eslatib o'tamiz, 6-oktyabr kuni Ronaldu Portugaliya milliy jamoasi bosh murabbiyi Jorje Jezush bilan yuzaga kelgan mojaro haqida bayonot bergandi. Futbolchi jamoa yig‘inini tark etishi ortidan o‘z pozitsiyasini tushuntirib, o‘yinlarda kafolatlangan vaqt talab qilmaganini aytgan. Uning so‘zlariga ko‘ra, bahslarda qancha vaqt maydonda bo‘lishi haqidagi rejani murabbiyning o‘zi taklif qilgan.
