Lionel Messi Argentina milliy jamoasi safidagi xayrlashuv bahsidan so‘ng ijtimoiy tarmoqlarda yana bir ta’sirli post qoldirdi. 39 yoshli hujumchi qo‘lida Argentina milliy jamoasi libosini ushlab turgan suratini e’lon qildi.
«Hammasi aytildi. Endi esa hammasi amalga oshdi. Qolgan yagona so‘zlar esa... Qalbim tubidan chiqqan so‘zlar: rahmat, Argentina», — deya suratga izoh qoldirdi Messi.
Messi Argentina milliy jamoasi safidagi so‘nggi bahsini Beninga qarshi o‘tkazdi. Buenos-Ayresdagi «Monumental» stadionida kechgan bahsda argentinaliklar 3:0 hisobida g‘alaba qozondi. Messi ushbu bahsda bitta gol urib, ikkita golli uzatmani amalga oshirdi.
Ma’lumot uchun, Messi Argentina milliy jamoasi bilan jahon chempionati, ikki marta Amerika kubogi hamda Finalissimada g‘olib bo‘lgan.
