Озарбайжоннинг «Турон Товуз» клуби таркибини ўзбекистонлик футболчи билан кучайтиришни режалаштирганди. Бу ҳақда Sport24.az хабар берди.
Маълум қилинишича, клуб вакиллари Ўзбекистон миллий жамоаси аъзоси Отабек Шукуровга қизиқиш билдирган.
30 ёшли яримҳимоячи Бирлашган Араб Амирликларининг «Банияс» жамоасидан кетганидан сўнг эркин агент мақомини олган. «Турон Товуз» эса ушбу вазиятдан фойдаланиб, футболчи билан шартнома имзолашни режалаштирган. Бироқ томонлар келишувга эриша олмаган.
Қайд этиш лозим, Шукуров ёзда ўтказилган жаҳон чемпионатида Ўзбекистон миллий жамоасининг учала учрашувида ҳам майдонга тушган.
Аввалроқ Отабек октябр ойи бошида Сербиянинг «Радник» клуби билан шартнома имзолагани ҳақида хабар берилганди.
Маълумот ўрнида, у ўтган мавсум «Банияс» сафида 21 учрашувда иштирок этиб, 3 та ассист амалга оширган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади