Ўзбекистон миллий жамоаси бош мураббийи Фабио Каннаваро ушбу йилги «Олтин тўп» учун курашда кимни қўллаб-қувватлашини айтди. Унинг фикрича, «ПСЖ» клуби ва Грузия миллий жамоаси вингери Хвича Кварацхелия мазкур совринга муносиб номзодлардан бири.
«Менинг хотирам яхши, мен фақат сўнгги воқеаларга эътибор қаратиб қолмайман. Ўтган мавсум Чемпионлар лигасида энг ёрқин намоён бўлган футболчи Кварацхелия эди. Агар овоз беришим керак бўлганида, иккиланмасдим. Албатта, жаҳон чемпионати, Килиан Мбаппе ёки Лионел Месси ва унинг фаолиятини ҳам эслаш мумкин. Аммо Квара ақл бовар қилмас ишларни амалга оширди», — дея Каннаваронинг сўзларини La Gazzetta dello Sport нашри келтирмоқда.
Маълумот учун, «Олтин тўп» топшириш маросими 26 октябр куни Лондонда бўлиб ўтади.
Эслатиб ўтамиз, Фабио Каннаваронинг ўзи ҳам 2006 йилда «Олтин тўп» соҳибига айланган. У ушбу совринни Германияда ўтказилган жаҳон чемпионатида Италия миллий жамоаси билан ғалаба қозонганидан сўнг қўлга киритган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади