«Manchester Siti»ning norvegiyalik forvardi Erling Holand Angliya Premer-ligasi 6-turi doirasida «Liverpul»ga qarshi «Enfild»da bo‘lib o‘tadigan bellashuv oldidan fikrlarini bildirarkan, kinoya bilan ashaddiy raqiblari — «Manchester Yunayted» futbolchilarini yodga oldi.
«Umid qilamanki, stadiondagi muhit chinakamiga dushmanlarga xos bo‘ladi. «Manchester Siti» «Enfild»ga «Liverpul»ga qarshi maydonga tushish uchun kelganida, aslida vaziyat shunday bo‘lishi kerak. Taxminan xuddi bizning… em… em… kim edi? «Manchester Yunayted»ga qarshi o‘yinimiz singari», — dedi tabassum bilan Holand beIN SPORTS efirida.
Eslatib o‘tamiz, Premer-liga 6-tur markaziy o‘yini «Liverpul» va «Manchester Siti» bugun, 11 oktyabr kuni «Enfild» stadionida bo‘lib o‘tadi hamda Toshkent vaqti bilan 20:30da start oladi.
