Франциянинг «ПСЖ» ва Англия чемпионати топ-клублари Италиянинг «Рома» клуби ўнг қанот ҳимоячиси Эмануэле Луллига қизиқиб қолган. Бу ҳақда журналист ва инсайдер Экрем Конур хабар берди.
Инсайдернинг маълумотига кўра, 19 ёшли италиялик латерал ўйинини «Челси», «Арсенал», «Манчестер Сити» ва «Манчестер Юнайтед» жамоалари кузатиб бормоқда. «Рома», ўз навбатида, хориж клублари томонидан бўлаётган қизиқиш фонида футболчиси билан янги шартнома имзолашни мақсад қилган.
Transfermarkt портали Луллининг актуал трансфер нархини 8 миллион еврога баҳоламоқда. Иқтидорли ҳимоячининг «бўрилар» билан амалдаги шартномаси 2027 йил июн ойи охиригача мўлжалланган.
