Мадриднинг «Реал» клуби яримҳимоячиси Винисиус Жуниор жамоанинг Испания чемпионати 8-тури доирасидаги баҳсда «Вилярреал» (1:0) устидан қозонган ғалабаси ва ўзининг четлатилгани ҳақида фикрлари билан ўртоқлашди. Ўйиннинг 74-дақиқасида Винисиус рақибнинг сочларидан ушлаб қолгани учун тўғридан-тўғри қизил карточкага лойиқ кўрилди.
«Хурсандчилик давом этади… Жамоам ва мухлислардан узр сўрайман», — деб ёзди Винисиус ижтимоий тармоқлардаги саҳифасида.
Маълумот учун, Испания чемпионати 8-туридан кейин «Реал» 18 очко билан учинчи ўринни эгаллаб турибди. Минимал ҳисобда мағлуб бўлган «Вилярреал» эса 8 очко билан жадвалнинг 13-поғонасини банд этган. Якка пешқадам ҳамон «Барселона», каталонияликлар ҳисобида 24 очко мавжуд. Иккинчи — «Атлетико» (19 очко).
Эслатиб ўтамиз, Ла Лиганинг 9-турида «Реал» 18 октябр санасида «Севиля» билан баҳс олиб боради.
Мухлислар бу янгиликни Telegram’да муҳокама қилмоқда
Изоҳлар Telegram’да очилади