«Барселона» ҳимоячиси Жюл Кунде Каталония клуби сафида энг кўп ўйин ўтказган француз футболчисига айланди. У Испания чемпионатида «кўк-анорранглилар»нинг 3:0 ҳисобидаги ғалабаси билан якунланган «Хетафе»га қарши ўйинда мезбонлар сафида 194-учрашувини ўтказди. Кунде бу баҳсда ўз голи билан жамоа ғалабасига муносиб ҳисса қўшди.
Шу тариқа, 27 ёшли футболчи каталонияликлар собиқ ҳимоячиси Эрик Абидалнинг натижасини ортда қолдирди. Кунде 2022 йилнинг ёзида «Севиля»дан кўчиб ўтганидан бери «кўк-анорранглар» сафида ҳаракат қилиб келмоқда. Ўтган вақт ичида у барча мусобақаларда 10 та гол урди ва 22 та голли узатмани амалга оширди.
Маълумот учун, франциялик спортчи «Барселона» таркибида еттита соврин, жумладан, учта Ла Лига чемпионлиги, учта Испания Суперкубоги ва Испания кубогини қўлга киритди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади