Мадриднинг «Реал» клуби Винисиус Жуниорнинг Испания чемпионати 8-тури доирасида «Вилярреал»га қарши кечган баҳсдаги хатти-ҳаракатларидан хавотирга тушди. Ушбу баҳсда мадридликлар 1:0 ҳисобида ғалаба қозонган бўлса-да, бразилиялик вингер иккинчи бўлимда майдондан четлатилди.
Тhe Touchlinе нашри хабарига кўра, «Реал» вакиллари футболчининг қизил карточка олганидан жиддий ташвишда. Клубда Винисиус ўз ҳиссиётларини назорат қилишни ўрганган, деб ҳисоблашган. Бироқ унинг сўнгги хатти-ҳаракати аввалги одатлари яна қайтиши мумкинлиги борасида хавотир уйғотган.
Винисиуснинг майдондаги ўзини тутиши Мадрид клуби учун муҳокама мавзусига айланган. Жамоа раҳбарияти футболчининг ҳиссиётларини назорат қилиши ва бундай вазиятларнинг такрорланмаслиги муҳим деб ҳисобламоқда.
Эслатиб ўтамиз, «Вилярреал» устидан қозонилган ғалабадан сўнг Жозе Моуринио бошқарувидаги «Реал» Испания чемпионати турнир жадвалида учинчи ўринни эгаллаб турибди.
Telegram’да биринчи бўлиб фикр билдиринг
Муҳокамага ўтишИзоҳлар Telegram’да очилади