Испаниялик радиобошловчи ва спорт шарҳловчиси Маноло Лама «Реал» бош мураббийи Жозе Моуриниони «Вилярреал»га қарши учрашув вақтидаги хатти-ҳаракатлари учун кескин танқид қилди.
«Моуринио ўз хатти-ҳаракатлари билан жамоасига ҳам таъсир қилади. У футболчиларни том маънода ақлдан оздиряпти, уларни асабийлаштиряпти ва ҳакамларга максимал босим ўтказиш учун трибуналарни ҳам қўзғатяпти. Унинг барча ҳаракатлари — шунчаки театр.
Жозе инқирозли вазиятда ҳамманинг эътиборини чалғитиш учун шляпасидан қуён чиқарадиган айёр сиёсатчиларни эслатади. У атрофдагилар ҳақиқий муаммоларни эмас, айнан шу қуённи муҳокама қилиши учун шундай қилади», — дея Ламанинг сўзларини келтиради COPE нашри.
Маълумот ўрнида, «қаймоқранглилар» Ла Лиганинг 8-турида «Вилярреал»ни 1:0 ҳисобида мағлуб этди. Учрашувнинг 62-дақиқасида Диоманде ягона гол муаллифи бўлди.
