Madridning «Real» klubi Vinisius Juniorning Ispaniya chempionati 8-turi doirasida «Vilyarreal»ga qarshi kechgan bahsdagi xatti-harakatlaridan xavotirga tushdi. Ushbu bahsda madridliklar 1:0 hisobida g‘alaba qozongan bo‘lsa-da, braziliyalik vinger ikkinchi bo‘limda maydondan chetlatildi.
The Touchline nashri xabariga ko‘ra, «Real» vakillari futbolchining qizil kartochka olganidan jiddiy tashvishda. Klubda Vinisius o‘z hissiyotlarini nazorat qilishni o‘rgangan, deb hisoblashgan. Biroq uning so‘nggi xatti-harakati avvalgi odatlari yana qaytishi mumkinligi borasida xavotir uyg‘otgan.
Vinisiusning maydondagi o‘zini tutishi Madrid klubi uchun muhokama mavzusiga aylangan. Jamoa rahbariyati futbolchining hissiyotlarini nazorat qilishi va bunday vaziyatlarning takrorlanmasligi muhim deb hisoblamoqda.
Eslatib o‘tamiz, «Vilyarreal» ustidan qozonilgan g‘alabadan so‘ng Joze Mourinio boshqaruvidagi «Real» Ispaniya chempionati turnir jadvalida uchinchi o‘rinni egallab turibdi.
Telegram’da birinchi bo‘lib fikr bildiring
Muhokamaga o‘tishIzohlar Telegram’da ochiladi