Italiyaning «Inter» klubi bosh murabbiyi Kristian Kivu Chempionlar ligasi umumiy bosqichi 2-turida Belgiyaning «Bryugge» klubiga qarshi o‘yinda (3:4) mag‘lubiyatga uchragani haqida fikr bildirdi. «Bryugge» safida Nikolo Trezoldi (uch marta, jumladan, bir marta penaltidan) va Romeo Verman gol urishdi. «Inter» safida Lautaro Martines (ikki marta) va Anj-Joan Bonni gollarga mualliflik qilishdi.
«Biz qarshi hujumda gol o‘tkazib yubordik, keyin hisobni tenglashtirdik. Ikkinchi marta ham gol qo‘yib yuborganimizda, orqada juda ko‘p bo‘sh zonalar qoldira boshladik. Biz g‘alaba qozonishni xohladik, lekin raqibga juda ko‘p bo‘shliq qoldirdik. Chempionlar ligasida bunga yo‘l qo‘yib bo‘lmaydi.
Maqsadlarimiz avvalgidek, oldinda yana oltita o‘yin bor, ammo mag‘lubiyatlar odamni ranjitadi. Biz ko‘p ishlashimiz va vaziyatni o‘nglashimiz kerak», - deya Kivuning so‘zlaridan iqtibos keltiradi UYEFA rasmiy sayti.
Muxlislar bu yangilikni Telegram’da muhokama qilmoqda
Izohlar Telegram’da ochiladi